玩 - 教壞細路

我的家很可愛.

我相信, 同'規模'的家庭, 除非是一家人自願同住一豪宅玩爭產困獸鬥, 否則, 甚少能像我們, 幾乎每個星期都有家庭飯局. 這一點, 在香港社會, 其實頗值得我們 - 尤其是我們的父母自豪.

我們家的第三代產物, 擁有很多自由. 很多事情, 只要他們提出, 能提供的, 他們都總有機會嘗試.

小朋友想學大人飲啤酒, 我們不會到日本超市買無酒精的兒童啤酒. 碰巧有成人喝啤酒, 就讓他們小試幾口. 近來甚至, 買了輕酒精的Jolly Shandy, 讓他們吹喇叭. 

看到他們人細鬼大的'友共鳴'舉動和氣慨, 實在讓第一和第二代成員笑個人仰馬翻. 當然, 喝過之後, 他們自會決定, 酒精飲品是不是真的好喝, 要不要將嘗試再刺激的飲料.

第二代成員當中, 有人還在唸中學時, 被老爸下戰書. 喝一罐啤酒, 跑數個圈, 完成後可獲100港元大鈔. 結果, 挑戰者在半途天旋地轉, 對杯中物沒甚好感.

這種小試牛刀的方式, 我覺得很開明. 總好過被父母過份設定生活環境, 做成家中一世界, 家外一世界的怪現象, 導致小孩被小狗更像寵物..........

我正在閱讀一本書, 正正探討這一問題. 書名叫:'乖孩子, 大危機'.  

樂 — "有個人"

"同行共創造時勢運氣 相識一天算起我敢擔起各樣危機
有背後人是你同行共領會人世道理
假使一天不再飛到公園中散步年紀 有老伴仍是你" — <有個人>，張學友1999年作品。

12天東歐之旅，我， Mr.Tai，維維和金金匆匆掠過維也納、斯洛文尼亞、布拉格、柏林等地的名勝。12天游六個國家， 蜻蜓點水，除了一個字"靚"， 要多說幾句對各國的印象， 恐怕我也會怪責自己太武斷。

從來令我印象深刻的，也是與人有關的事情。非親非故、事未至生死，當然懶去關心。

很久沒與維維和金金一起到中國以外的地方旅遊。這對老伴， 12天近距離接觸，大部分時間他們都非常享受和愉快，只為吃藥和食量事宜小吵幾次。

有次借用維維的相機，想看他甚"藝術"的風景照，我們卻發現原來維維還會與金金在旅程中，在我和mr.TAI不在之時，用自己的相機留影。甫士都比我們鏡頭下的懷舊。

走到柏林pegamon博物館，維維不願行，我們繼續跟大隊。後來， 金金不斷說要找維維，無奈展品真的大太吸引，加上關館在即，我並不擔心失散。金金則堅持找維維，我和mr.tai繼續欣賞精采展品。

還是老伴最可靠。

特此在光明女落跟讀者 — 尤其是動不動就鬧分手或離婚的一群分享。

Published with Blogger-droid v1.6.5

樂 — 偷心賊

enjoy同狗狗相處的人先會明白狗仔係好叻搶奪人心的動物。

12天東歐旅行如期出發。結果， 起行前幾天放低肥b响家姐屋企已掛住肥b. 臨行前放低尚有輕微皮膚病的多士响從未養過狗狗的哥哥家，實在有點擔心 — 擔心多士的水炮同實彈攻勢，玩謝非常注重家居清潔的一門三傑之家。

由飛機起飛我已好掛住呢班狗仔仔喇。去到任何景點同酒店都第一時間睇下家姐阿哥的"飛卜"(老豆阿媽教我的 — facebook呀！)，睇下愛子的生活照。

依家時間係清晨5點， 又係我上網搵仔的時間喇！

嘩！原來， 我地去旅行，佢地都去左本地豪華團。肥b有愛心飯盒又新衫，周本末仲有bonus day tour! 多士亦有新衫玩具！Mr.Tai 話："嘩！今次發達喇! 又新衫又玩具，簡直滿載而歸 — 我地！"

Published with Blogger-droid v1.6.5

樂 — 雙天娥

好厲害的雙天娥

哦哦當然事小，累積深厚功力的我， 三兩下散手已能游刃駕馭。

短短兩日行程，我觀察到雙天娥的基因已發生變化。 是的，他們已變種了。

變種天娥開始從話題中斷章取義， 自行組成新話題，繼而用口水大興土木 ， 創造長篇"驚典"。

公娥疑與聾耳陳有成功確立更進一步的交情，不再受制於強者單對單式命令。 在寒冷天氣下，對"著多件衫"、或於飯局，對"唔好食咁多"等等新指令聽若無聞。 事實證明每個新指令均必須三國聯軍方可啟動。

雙天娥還開始有過耳即忘的反應。包括：果頭領導分房，轉頭把領隊房間誤當成自己房間；領隊分配完好房間，竟誤會領隊多派了一間房；到達所屬樓層，又忘記自己分配得的房間編號； 過馬路不依紅綠燈等等。

結論：雙天娥真的不能放任他自行旅遊，他們同成龍口中的香港人一樣 — 係要管的！

Published with Blogger-droid v1.6.5

樂 - 團友出發



期待以久的東歐之旅出發喇！ 看著我執喼的多士，都想去埋一份，佢就想喇！ 多謝我大佬大嫂一家幫我湊多士，家姐姐夫happy姐照顧肥b(國王發達喇，日日食御膳！)， 仲有幫我地餵魚的auntie! 我地會玩得好開心報答你地架！yeah! 遇有wifi,定update大家。

Published with Blogger-droid v1.6.5

吃 - 比PIZZA HUT高一班的PHD

 這個星期, 我和Mr.Tai忙著送狗迎新 - 就是趁在東歐旅行起行前, 把我們兩頭可愛貴婦小狗, 肥B國皇和多士先生送到由麥氏家族的分支家庭暫託.

老遠由天水圍到柴灣. 當然有我們和HAPPY姐最常點晚餐 - PIZZA. 本來, 滿心期待PIZZA HUT的忌廉芝士三文魚PIZZA飽邊. 後來, 家姐提議叫PHD.

做人, 多點新意總是好的.

這家PHD實在太令人滿意喇! 首先, 價錢方面, 上圖中除了密糖雞槌和四罐coke zero是追加之外, 我們所點的套餐, 如此充實, 卻只開價HKD139!

落order的服務質素, 實在, 是遠高於PIZZA HUT和KFC (麥當勞包尾就梗架啦!). 接線的客戶服務員, 非常非常有禮而且專業, 甚有內心解答客人查詢, 而且, 絕不HARD SELL! 10個LIKE.

承諾27分鐘速遞食物到府上. 結果, 比承諾的更早到. 而且, 連速遞員都是禮貎周周的! 食物質素, 每一樣都比pizza hut好. 速遞店的PIZZA, 當然, 不會去到pizza express的水準, 但這家PHD的PIZZA, 是有很獨特的Product offering - 手拉PIZZA. 我試的是類似芝心批的款式, 但是PIZZA BREAD是軟綿綿, 又QQ的, 非常有驚喜. 真是非常好吃. PHD的脆香雞和豆腐布甸同樣非常讚.

實在不相信, HKD139換來如此美味質素.

以後, 有PHD的地方, 我相信我不會再叫PIZZA HUT DELIVERY了。買PHD賣賣免費廣告也甘心：　2111-1234(order 熱線）

樂 - 新聞人物

呢幾日睇蘋果新聞, 見到班新聞人物, 真係為之側目.

昨日蘋果動新聞報導丁子高為準備同楊千嬅追龍B, 親口自爆食緊冬虫夏草補身; 兼有鑽研做愛體位, 增加懷孕機會. 當楊千嬅由結婚開始曬幸福(新婚果期相信好多人戥佢開心過!)曬到婚姻以外近乎無話題的地步, 及至佢老公看來好ENJOY做新聞人物一有SHOW就有料爆(又唔出奇0既, 話晒出過唱片紅唔起....), 令人反思原來羨慕過的婚姻分分鐘更似商業勾檔.

不知道此對伉儷何時搞網上投票, 問FANS最想兩公婆爆咩料? 本人認為, 既然兩公婆咁喜歡分享個人生活到如此地步, 唔爭在行多一步, 可不可以'拉闊動房'? 等公眾全情參與佢地做龍B的過程?

再睇埋唐英年同老婆大晒恩愛.......... 女人真係唔易做! 唐英年被爆有婚外情, 唔到佢唔認. 結果, 呢排好勤力, 拖住太太的手仔出來行街, 影相. 不過算啦, 如果老公在外有婚外情, 仲懷疑有私生子的情況下, 我諗太太都睇得好化, 當打份工咁做. 分分鐘, 近期做多少少, 有機會加薪, 出BONUS, 仲有更多強勁OUTING SPONSORSHIP.

今日又睇到王菲shopping, 王菲俾記者撞到黑口黑面, 已經不是新鮮事. 人地目標明確 - shopping唔接受訪問, 純綷私人節目, 你滋擾人黑面, 正常. 但係, 嘩! 睇到那班自由行嗎? 好討厭呀, 佢地刻意走過王菲身邊, 舉高手作SAY HI狀. 站在對面的友人同刻按快門拍照.......唉.......尊重下人地啦! 前幾天Mr.Tai在西鐵目睹疑似新移民在車廂即場為小朋友除褲放大放小, 幾咁豪邁.....  必須講, 好多好好的香港人, 都曾經係新移民, 所以唔應該歧視'新移民', 但新移民當中的某些人的作為, 實在太過份啦! 有無高質素新移民教導下佢地, 等佢地快啲適應香港的生活, 好好地做個香港人呢?