玩- '遊泰人'Day 2

第二日, 有好多生日蛋糕. 連我都覺得自己的安排太太太太過份了.
好懷念曼谷半島的休閒. 咁的天氣, 咁的陽光底下, 有雀仔飛來飛去在你枱邊, 椅邊覓食的環境下, 食一個真係好正的自助早餐.


好想再重溫. 雖然離市中心比較遠, 但呢種遠離煩塵的感覺, 在曼谷太概湄南河畔先有.....

酒店的確待客至善, OK我地延遲至下晏2點先CHECK OUT. 於是, 吃罷早餐, 先游水, 在泳池邊睡個早覺. 再焗個SAUNA先上房執拾.  差不多check out之時, 門鐘响, YEah!又另一個特備節目. 服務員推著餐車在門口預備蛋糕, 捧著生日蛋糕唱生日歌, present完蛋糕, 再親手向壽星公送生日卡, 好窩心!

一面帶著不捨得半島服務的心情, 一面懷著SHOPPING時段開始的興奮, 走入市中心喇!
在CENTARA GRAND酒店CHECK IN後, 找concierge人員為開始先搵食, 想起蘇施黃介紹的魚蛋粉. 見到湯底顏色, 好想去試.......... 結果, 真係好好好好味. 仲多叫左個'南薑椰汁雞湯', 我俾多個Like呢間Provence.

旅遊書介紹的半價米芝蓮泰菜, 滿座. 請CONCIERGE服務員介紹餐廳.......當然又問生日優惠. 接受服務生建議, 到了BAAN KHANITHA, 由ASOK站行, 都真係A..行到好SOK氣下先搵到呢間野. 入到去, 幾乎全館滿座, 似乎係老字號吧. 點了幾味菜色, OK啦. 突然全場熄燈, 然後聽到一排好雄壯的男聲, 唱Happy Birthday, 笑到我反肚!
此行唯一一個杧果糯米飯.  真係搞唔通, 點解泰國D杧果咁鬼清甜^v^

 

食到捧住個肚回酒店, 一開門, 又來多一個蛋糕....... 貪心的人有禍了. 最搞笑係, 仲有張咭, Dear Mr. Mak...多謝晒!