喝 - 健康工房感冒茶

短短一個月, 我已經食左4 ROUND西藥(包括3次抗生素療程), 2ROUND成藥, 仲有幾盒喉糖! 又試過下海天堂同鴻福堂的感冒茶.

前幾晚吹下風, 又頭痛喉痛喇. 實在唔想再食西藥. 但係, 又唔鬼知天水圍邊度有靠得住中醫喎. 再加上人懶啦. 瞓左好長時間之後, 決定試下健康工房的感冒茶.

現在各行各業都講CUSTOMIZATION, 所以今時今日健康工房的感冒茶, 相較我十幾年前在那裏工作的時候, 已發展到四個VERSION.

病徵一模一樣. "我覺得感冒囉, 頭痛同喉嚨痛", 上次鴻福堂員工俾支風寒感冒茶我飲, 所以我懶醒講多次上述說話時, 同健康工房員工加多句, "係咪風寒感冒茶?", 服務員即時話:"唔係呀, 呢個病徵係風熱感冒茶啱你!"

回家翻熱, 喝一口健康工房風熱感冒茶. 唔... 味道同其他涼茶舖的感冒茶很不同. 但是, 如果你喉嚨痛, 你一定覺得是飲對了茶. 喉嚨係即時爽一爽, 涼涼甘甘. 臨睡前再喝一杯, 今早醒來時, 感覺好好好好多.

誠意推介健康工房感冒茶. 雖然, 20蚊一包(剛好一杯分量)有少少貴, 但是, 真係有效!