玩 - Facetime 狗狗

又收到管理處的狗隻撤離信, 今次決定暫時走鬼走鬼. 稍後, 當然一定重聚啦.

結果, 好掛住兩隻小鬼. 肥B和多士真係好可愛, 見少一面都好掛住佢地.

多士威啦, 去左舅父度住. 舅母將三個CUSHIONS縫合成皇帝床恭條佢. 又有新玩具又有新衫. 小多士年幼已到處SOCIAL, 最多聽到熟悉聲音, 望望鏡頭.

習慣跟人相處的肥B, 真係經常感情豐富過視帝黎耀祥. 聽到我和Mr.Tai的聲音, 遠遠走過來. 肥B不似多士, 小時候有同類同伴, 因此, 對我們特別有感情.

所以, 我連續白痴地在FACETIME唱了3次肥B的主題曲'Fat B is a good boy boy'俾佢聽, 讓牠知道我地都好掛住佢呀.

幸好, 肥B在彩輝一樣係國皇身份, 據聞佢每日下午大概3點, 會走到小食架, 向公公婆婆示意佢夠鐘食Tea. 仲有人幫佢量過腰圍, 14吋半! 果然好衣食.