樂 - 巨型珍寶珠

聖誕將至, 行街很容易行到Wow Wow聲. 理由無他, 商場要吸引人流, 趁大時大節吸水, 總會大搞綽頭.

路過尖沙咀isquare, 驚見巨型珍寶珠機. 好開心! 雖然時代廣場的Michael Lau會郁, 但是珍寶珠於70後而言, 有種難解的情意結. 超級巨型的珍寶珠, 在扭糖機內玩疊羅漢, 任誰都想扭一個據為己有. 設計師還特意在出口位置做出珍寶珠流瀉效果, 忍得途人紛紛駐足拍照.

手痕到維基百科查詢'珍寶珠', 果然有段古:

珍寶珠 (Chupa Chups，西班牙話/ˈtʃupaˈtʃups/，英文/ˈtʃʌpətʃʌps/)係種波板糖，但做個波咁。佢來自巴塞隆拿，1958年創立。珍寶珠形狀係幼膠筒上，一端插咗粒糖，再用膠紙包實，睇起來似支咪。再講名字, 原來來自動詞Chupar, 意即’啜’的意思!

isquare的介紹竟然更傳神:

誕生於1958年的Chupa Chups－亦即非常受香港人歡迎的「珍寶珠」，由西班牙糖果商Enric Bernat設計在糖果中插入小棒棒，從此小孩子雙手再不會因糖果吃糖果而黏涕涕，因而大受歡迎；由70年代初引入香港旋即瘋靡全香港大人細路除了口味繁多，1969年的「珍寶珠」logo更是出自西班牙的國寶級藝術家Salvador Dalí手筆，整體感覺充滿了西班牙的熱情與藝術氣息。

我最愛明顯雙色味道, 如朱古力和士多啤梨牛奶味. 你呢?