樂 - 兔年的最後一天

兔年結束得真精采！

珍惜寶貴光陰，為自己製造快樂時光，＂看透徹了心就會是晴朗的。沒人能把誰的幸福沒收，我發誓我會活得有笑容！＂學會維護正能量，是兔年最大收穫！

前晚入戲院睇午夜場，看了很爛的「八星抱喜」。雖然爛，但超有80年代港產片feel, 睇戲期間忍不住在身邊朋友耳邊重覆大叫：「真係好爛，好爛...」。不過，夜媽媽有人陪，開心啦！片末仲有＂古天樂＂靚相展，好索，即刻gur晒！

兔仔帶住光明女繼續吃喝玩樂至最後。

今日在朗廷酒店跟多年不見的朋友見面，$215吃了食物選擇多而水準不俗的自助餐，大家活得快樂幸福，可喜可賀。

吃過自助餐，逛名店，無收穫！（好彩！）

看看iPhone, 時間剛剛好！上帝schedule排得好，兔仔的尾站落在星期日，轉戰灣仔the vine church, 叉滿正能量迎接龍年！

實在多年沒有行花市。要行，就行最旺的 - 銅鑼灣年宵市場！今年的產品好得意，買了得意立體輝春和充滿玩味的賀年指示牌，老細自動減價，仲益我免費攞多幾件！講廣東話的，都是好人，絕對一絲不＂狗＂，I love Hong Kong！

臨走同兔仔乾一杯starbucks話別，寫個感謝blog向醒目兔表謝意！

各位blog友，今晚玩得開心啲，誇年過得開心，來年一定事事順意！

明天龍馬精神過肥年！