樂 - 多謝TVB

看完勁歌金曲頒獎典禮，我都想多謝TVB! 實在太有娛樂性喇！

睇左兩part, 電視機前面的人產生相同疑問 - 到底呢個係向上一代歌星致敬節目定頒獎典禮呢？

TVB的節目我甚少有耐力看畢全個節目。但今晚不同， 因為有幾位歌手，起碼有王菀之同陳偉霆不約而同對自己得獎感到好surprise!

林峯攞完亞太區男歌手再憑"Chok"攞金曲金獎，仲話金曲金獎係屬於所有香港人，嘩！咁咪即係我都得獎？開心到我幾乎流眼淚！（最衰蘋果日報收錯風話C All Star攞金曲金獎啦，搞到我唔記得寫定紙仔同林峯同步講得獎感受！）

Chok王再演繹得獎歌曲時，王祖藍Chok得太出色了！福祿壽 x 勁歌crossover, 夠爆啦！

我還要多謝TVB介紹某些幕後音樂人獎項得主給我認識，因為除左TVB, 我諗當今媒體，無乜邊幾個會頒獎俾佢地。

睇今日的蘋果日報評十大中文金曲無驚喜， 那麼......TVB贏晒啦！